De mohammedaanske Koran

De klam ('klemtoon') bliuwt net altyd op itselde plak lizzen yn in wurd. Dat kinst moai sjen by de wurden 'Mohammed' en 'Koran'. It stiet my foar dat wy dy yn de jierren '70 en '80 altyd útsprutsen mei de klam op it earste wurdlid ('lettergreep'), wylst dy klam no yn beide wurden op it twadde wurdlid leit. 
It wurd 'Koran' stiet ek yn âlde wurdboeken en dy jouwe my gelyk. Yn de jierren '60 wie it noch 'Kóran'. Yn de jierren '90 seit Van Dale 'accent wisselt' en de nijste Van Dale leit de klam op it lêste wurdlid: "Koráán".