woensdag 30 november 2016
'mei ’k net!'
Hoe frustrearjend kin it wêze: alles út ’e kast helle om se in lekker miel iten foar te setten en dan roppe de bern ‘mei ‘k net’. En heit of mem ropt dan: ‘Wat binne jim sinnich!’ Net allinnich bern binne ‘sinnich’, grutte minsken helje har de noas ek op foar soms it lekkerste iten. Of it moat krekt sa en sa klearmakke wêze en optsjinne wurde.
Oare wurden foar sinnich binne pluzerich, iensettich, kiezzich, griisitich, piuwich, piz(er)ich en tier. Om te fersterkjen wurdt wol sein dat immen sa tier as in murd is, of: ‘meist dat ek al net, wat bist ek in tiere murd!’. Binne der noch mear wurden foar sinnich? En binne der ek lêzers fan bûten de Wâlden dy’t de ferbining ‘tiere murd’ foar sinnich persoan kenne?
maandag 21 november 2016
‘Ongeacht’
Ongeacht oppenearret him gauris yn min
Frysk.
Dochs is der in moai Frysk wurd foar: likefolle.
Sjoch mar:
Dochs is der in moai Frysk wurd foar: likefolle.
Sjoch mar:
ongeacht
wat voor weer het is - likefolle hokfoar waar it is
ongeacht wie het wint - likefolle wa’t it wint
ongeacht wie het wint - likefolle wa’t it wint
Noch
in stapke fierder en wy lûke likefolle gear mei it fraachwurd:
lykfolwa’t
it wint, Trump of Clinton
lykfolwat er docht
lykfolwêr’t se wenje
lykfolwat er docht
lykfolwêr’t se wenje
Oer likefolle
sprutsen, it kin ek brûkt wurde foar: dat makket my net út. Dat wurdt
dan: dat is my likefolle.
En sa
bedarje wy fansels by wat plattere taal: it is de boer likefolle oft de ko
skyt of de bolle.
Sadwaande:
ongeacht = likefolle.Gastbydrage fan Eric Hoekstra
Abonneren op:
Posts (Atom)